TIRAS CÓMICAS DE INFANTIL E PRIMARIA

Así nos quedou o mural das bandas deseñadas que se entregaron coincidindo co día do libro. Esta actividade foi proposta pola coordinadora comarcal de ENDLs : Terras do Umia, é a nosa primeira actividade en conxunto.

CARTAS QUE VEÑEN E VAN

INFANTIL E ALGÚNS GRUPOS DE PRIMARIA ÍMONOS CARTEAR COS NENOS E NENAS DO CEIP ENRIQUE BARREIRO PIÑEIRO DE CAMBADOS, FIXEMOS UN MURAL COAS NOSAS CARTAS, E ESPERAREMOS AS SÚAS PARA COLGAR AS RESPOSTAS...

O DIA DO PEÓN

COMO XA VÉN SENDO TRADICIONAL NO NOSO CENTRO UN ANO MÁIS CELEBRAMOS O DÍA DO PEÓN PARA CONSERVAR ESTE XOGUETE TRACIONAL TAN COÑECIDO NA NOSA COMUNIDADE, DENDE PEQUENOS ATA GRANDES FIXERON BAILAR OS SEUS TROMPOS NUN RECREO MOI ESPECIAL.

CONCURSO DE POSTAIS E CALENDARIOS

En Nadal en Infantil e Primaria organizamos un concurso de postais cun lema animando ao uso do galego, eleximos unha de cada ciclo e levamolas á imprenta para que os reis Magos as regalaran ao alumnado no festival.

Tamén agasallaron os reis cuns almanaques de peto, o alumnado da ESO participou nun concurso para elexir a portada do calendario.

A nivel centro fixemos un calendario de mesa, cada mes levaba as fotos dun curso, este foi vendido polo alumnado de ESO para a súa excursión de fin de curso.

XOGA CO GALEGO

Esta actividade englobou a todo o centro, o alumnado da ESO pertencente ao noso equipo percorreu as clases de primaria e secundaria para animar a que participasen. Trátase de cubrir unhas preguntas relativas á cultura ou tradición galegas e introducilas na urna, canto mellores sexan as respostas e mais veces participes, obterase maior puntuación para acadar un regalo. Os regalos déronse no festival de Nadal.

COLABORACIÓN COA CELEBRACIÓN DO MAGOSTO E SAMAÍN

O MAGOSTO e SAMAÍN: o noso equipo encargouse da ambientación do centro para tal ocasión, mentres en actividades extraescolares deseñaron os xogos, os espazos e os tempos para a celebración. Todo o colexio participou na ambientación do seguinte xeito:

* ESO: encargáronse de dividir os taboleiros por ciclos, colocar as letras da exposición e decorar as paredes anexas.

* Infantil: prepararon unha estrofa dunha poesía por aula relativa a unha castaña.

* 1º ciclo de Primaria: recompilaron refráns e adiviñas en galego propios desta época do ano. Recolléronos en castañas e nun acio de uvas.

* 2º ciclo de Primaria: recolleron receitas de cociña con froitos do outono.

* 3ºciclo de Primaria: narraron labores do campo relativas a esta época do ano.